SURA
YA 2
SABATO
NA BIBLIA
Mwasisi
wa Sabato ndiye Mwasisi wa dini ya Kikristo - Yesu Kristo, Mwana wa Mungu.
Yeye ndiye
aliyeiumba dunia hii, akiifanya kwa siku sita. Yeye ndiye aliyestarehe siku ile
ya saba, na kuibarikia siku ile, na kuitakasa. Kwa maana Mwana wa Mungu alikuwa
na hata sasa ndiye Muumbaji. Biblia inasema "Vyote vilifanyika kwa
huyo."
" Hapo mwanzo
kulikuwako Neno, naye Neno alikuwako kwa Mungu, naye Neno alikuwa Mungu. Huyo
mwanzo alikuwako kwa Mungu. Vyote vilifanyika kwa huyo; wala pasipo Yeye
hakukufanyika cho chote kilichofanyika" (Yoh 1:1-3).
"Alikuwako
ulimwenguni, hata kwa Yeye ulimwengu ulipata kuwako, wala ulimwengu
haukumtambua" (Yoh 1:10). "Naye Neno alifanyika mwili, akakaa
kwetu; nasi tukauona utukufu wake, utukufu kama wa Mwana pekee atokaye kwa
Baba; amejaa neema na kweli" (Yoh 1:l4).
"Naye ni
mfano wa Mungu asiyeonekana, mzaliwa wa kwanza wa viumbe vyote. Kwa
kuwa katika
Yeye vitu vyote viliumbwa, vilivyo mbinguni na vilivyo juu ya nchi,
vinavyoonekana na
visivyoonekana; ikiwa ni viti vya enzi, au usultani, au enzi, au mamlaka;
vitu vyote viliumbwa
kwa njia Yake, na kwa ajili Yake" (Kol 1:15,16).
“Kama tulivyokwisha
kuona tayari, wakati alipoifanya Sabato ulikuwa ni mwishoni mwa juma lile la
uumbaji”. (Mwa 2:1-3).
Njia aliyoitumia
kuifanya Sabato ilikuwa kwa kuchukua siku moja, siku ile ya saba, na Yeye
Mwenyewe kustarehe siku hiyo, kuibarikia, na kuitakasa.
SABATO NI SIKU, SIO
KANUNI
Kifaa
alichotumia kuifanya Sabato ni siku ile ya saba. Akaitwaa siku ile,
na kuifanya Sabato. Sabato sio kitu fulani alichokiweka juu ya siku ile.
Ni siku ile yenyewe. "SIKU ya saba ni sabato ya BWANA, Mungu
wako." Hatuamriwi kwamba tu"ikumbuke SABATO [ t]uitakase."
Amri inasema hivi: "Ikumbuke SIKU ya sabato uitakase." Sabato si kitu
fulani kilicho tofauti na siku hiyo, ambacho kinaweza kusogezwa huku na huko na
pengine kuwekwa juu ya siku nyingine. Ni siku yenyewe hasa, siku ile ya saba.
Siku
hizi tunasikia mengi juu ya KANUNI ya Sabato. Lakini Biblia haizungumzi kamwe
juu ya KANUNI ya Sabato. Hakuna kitu kama hicho cha KANUNI ya Sabato
iliyobarikiwa na kutakaswa kwa faida ya binadamu, mbali na siku yenyewe.
Ilikuwa ni SIKU yenyewe ambayo ilibarikiwa kwa kutakaswa; na kwa sababu hiyo ni
SIKU hiyo ambayo inakuwa Sabato.
Siku
ile aliyoibarikia Mungu kamwe haiwezi kutenganishwa na Sabato. Nayo
Sabato haiwezi kamwe kuondolewa kutoka katika siku ile aliyoibarikia Mungu.
Vitu hivi viwili haviwezi kutenganishwa. Havitengeki kwa sababu siku zote viko
pamoja.
SIKU
YA SABA ndiyo Sabato; Sabato ndiyo SIKU YA SABA. Yesu aliifanya Sabato kwa
ajili ya taifa zima la kibinadamu, sio kwa ajili ya kundi moja tu ama taifa
moja tu. "Sabato ilifanyika kwa ajili ya mwanadamu" (Marko 2:27).
SABATO INADUMU
MILELE
Mungu aliifanya
Sabato kwa ajili ya wakati wote. Haikukusudiwa kuwa ya muda tu, bali ya milele.
Kamwe hapatakuwa na wakati wo wote ambapo siku hii ya saba haitakuwa siku
liyobarikiwa, siku ya Mungu ya kupumzika. "Maagizo [amri] yake yote
ni amini. Yamethibitika milele na milel. (Zab. 111:7,8).
Hata
katika nchi mpya Sabato ya siku ya saba iliyobarikiwa itaendelea kutunzwa na
mataifa
ya wale
waliookolewa. "Na itakuwa ... Sabato hata Sabato, wanadamu wote watakuja
kuabudu mbele zangu, asema BWANA" (Isa. 66:23).
Sababu kwa nini
Mungu aliwaamuru wanadamu kuitunza siku ya Sabato ni hii: "Maana, kwa siku
sita BWANA alifanya mbingu, na nchi, na bahari, na vyote vilivyomo, akastarehe
siku ya sabato akaitakasa" (Kut. 20:11).
Kwa hiyo, Sabato ni
kumbukumbu ya uumbaji wa nchi hii kwa siku sita, naye Mungu ameiweka kama
ishara ya uweza Wake wa Uumbaji. Kwa njia ya kuitunza Mungu alikusudia kwamba
mwanadamu angemkumbuka Yeye daima kama Mungu wa kweli na wa pekee, Muumbaji wa
vitu vyote.
SABATO INAONESHA
ISHARA ZIFUATAZO KWA MWANADAMU
1.ISHARA YA UTAKASO
Uweza
wa Mungu wa uumbaji ulitumika kwa mara ya pili katika kazi yake ya ukombozi,
ambayo kwa kweli ni uumbaji mpya. Sabato kama kumbukumbu ya uweza wa uumbaji
inakuwa kumbukumbu ya wokovu wetu katika Kristo. Iliwekwa dhahiri kama ishara
ya utakaso. "Tena naliwapa sabato zangu, ziwe ishara kati ya Mimi na wao,
wapate kujua ya kuwa Mimi, BWANA, ndimi niwatakasaye" (Eze. 20:12).
Kama
Kristo alivyo Mmoja awatakasaye watu Wake, hivyo ndivyo Sabato
inavyokuwa ishara ya vile Kristo alivyo kwa yule aaminiye. Ni kumbukumbu
ya pumziko letu kutoka dhambini, kumaliza kazi Yake ya wokovu kamili ndani
yetu. Kumbukumbu kama hiyo inadumu milele hata milele.
Ni
Yesu anayeokoa kutoka dhambini. Wokovu huu kutoka dhambini ni utendaji halisi
wa uweza wa Mungu wa uumbaji. Ni kwa njia ile tu ya uweza ulioletwa na Roho
Mtakatifu kwa wenye dhambi, inaweza kushindwa dhambi katika mwili wa mwanadamu,
na mwanadamu huyo kuweza kuingia katika pumziko hilo la imani.
Ni
Yesu anayetoa pumziko hilo. "Njoni kwangu, ninyi nyote msumbukao na wenye
kulemewa na mizigo, NAMI NITAWAPUMZISHA" (Mt. 11:28).
2. ISHARA YA
UKOMBOZI KUTOKA DHAMBINI
Ishara
ya uweza wa Kristo wa uumbaji ni Sabato. "Sabato maana yake pumziko.”
Ilitolewa sio tu kwa ajili ya pumziko la kimwili, bali kama ishara ya
pumziko la kiroho na ukombozi kutoka dhambini. Kwa hiyo yule anayeitunza Sabato
kwa akili ameingia katika raha yake Mungu, "Yeye aliyeingia katika raha
yake amestarehe mwenyewe katika kazi yake, kama vile Mungu alivyostarehe katika
kazi Yake" (Ebr. 4:10).
Kwa njia hii Sabato,
kwa yule aaminiye katika Kristo, inakuwa ishara ya yote yale ambayo Injili
inayo kwa ajili yake katika Kristo.
3.NI MSINGI WA
UKAMILIFU WA EDENI
Ni
mojawapo ya mambo mawili yaliyosalia ya maisha yale ya Edeni ambayo yameendelea
kuwako tangu Anguko lile, jingine ni ndoa, na, kwa hiyo, ni mojawapo ya
kanuni za awali za Edeni. Siku hii ya mapumziko hutokea kila juma, ili kuweka
mbele yetu daima ukweli wa kustarehe kwake Mungu mwishoni mwa juma lile
la Uumbaji. Tunapaswa kumkumbuka Mungu kila siku, lakini Sabato inakuja
kwetu kila juma, ikituletea nafasi nyingi za kupumzika, kutafakari, na
kuzungumza na Muumbaji wetu. Kabla haijapoteza mibaraka yake na mambo yake ya
thamani, kuja kwa Sabato nyingine huufanya mpya mvuto wake utakasao. Hivyo
inazifanya siku zote kuwa za kupendeza na kuueneza mbaraka wake katika saa zetu
zote, basi, na tu "IKUMBUKE siku ya sabato [t]uitakase."
MWANZO NA MWISHO WA
SABATO
Sabato
inaanza jua linapozama na kuisha jua linapozama [kesho yake]. Njia ya
Biblia ya kuhesabu siku sio kuanzia usiku wa manane mpaka usiku wa manane
[kesho yake], bali ni kutoka jioni hata jioni [kesho yake]. Jua linapozama siku
inakwisha, na siku mpya inaanza.
Jioni ndio mwanzo wa
siku. "Ikawa jioni ikawa asubuhi, siku moja" (Mwanzo
1:5).
Yaani,
jioni, au sehemu ya siku yenye giza, inakuja kwanza, nayo inafuatiwa na
asubuhi, au sehemu ya siku yenye mwanga. Agizo la Mungu ni kwamba, "tangu
jioni hata jioni, mtaishika hiyo sabato yenu" (Law. 23:32)
"Jioni" inaanza jua linapozama. "Jioni, katika machweo ya
jua" (Kumb. 16:6). "Jioni, na jua limekwisha kuchwa" (Mk.
1:32).
Kwa
hiyo, jua linapozama jioni siku ile ya sita ya juma, huo ndio mwanzo wa Sabato
ya Mungu. Ijumaa jioni jua linapozama huo ndio mstari unaogawa wakati
mtakatifu."BWANA AKAIBARIKIA siku ya Sabato AKAITAKASA"
(Kutoka 20:11).
Ni
wakati huo mtakatifu tunaoagizwa kwamba tuu"kumbuke" ili
ku"[u]takas[a]." Mungu
aliifanya TAKATIFU;
anamwamuru mwanadamu KUITAKASA. KUSUDI LA KUITUNZA SABATO. Kuitakasa Sabato ni
kuitumia kwa kusudi lile lile liyowekewa. Ilikusudiwa kuwa
siku ya ibada kwa wote pamoja na maombi ya faragha. "Siku ya saba ni
sabato ya kustarehe kabisa, KUSANYIKO TAKATIFU" (Law 23:3).
Tunacho
kielelezo cha Yesu Mwenyewe akihudhuria ibada siku ya Sabato: "Na siku ya
sabato akaingia katika sinagogi kama ilivyokuwa desturi Yake" (Lk 4:16).
Maandalio ya kuitunza vizuri Sabato ni pamoja na kupika chakula na kuandaa vitu
vingine vinavyoweza kuhitajika ili kuwa tayari kuacha kufanya kazi za kawaida,
za kidunia wakati Sabato inapoanza, na kuutumia muda wetu kwa mambo matakatifu,
ya mbinguni
(Kut.16:22,23;
Lk. 23:54).
Sabato
sio siku ya kufanya kazi za kawaida, wala uzembe, wala burudani. Ni kwa ajili
ya kupumzika, kiroho na kimwili; kwa ajili ya kutafakari; ibada ya faragha na
ya wote; kwa ajili ya furaha takatifu, na kwa kusaidiana. Ilikusudiwa kuwa siku
ya furaha, uchangamfu, na bora kuliko zote katika zile siku saba.
SABATO YA AGANO
JIPYA
Agano
Jipya halibadilishi hata kwa kiwango kidogo mno wajibu wetu wa kuitunza siku ya
saba iliyoamriwa na Mungu. Kristo aliitunza siku hii katika kipindi chote cha
maisha Yake hapa duniani. Wanafunzi wake waliitunza barabara siku hii katika
kipindi chote cha maisha yao, wakati wanaanzisha makanisa ya Kikristo ya
mwanzo. Hakuna tukio hata moja katika kumbukumbu za Agano Jipya ambapo binadamu
awaye yote alijaribu kuitunza siku ya kwanza kama Sabato.
Sabato ya Agano
Jipya ni Sabato ile ile ya Agano la Kale, yaani, siku ya saba ya juma. Ambapo
pia Yesu mwenyewe aliikua akiiadhimisha siku hiyo “Na siku ya Sabato [Yesu]
akaingia katika sinagogi kama ilivyokuwa desturi yake.” (Luka 4:16 )
Ulimwengu wote
wa Kiyahudi katika siku zile za Yesu uliitak asa Sabato ya Mungu ya siku
ya saba. Kwa kweli, Wayahudi wameendelea daima kuitunza Sabato ya siku ya saba.
Ahsante, Mungu akubariki.
No comments:
Post a Comment